कविता – राजा-सुआ संवाद खंड – पदमावत – मलिक मुहम्मद जायसी – (संपादन – रामचंद्र शुक्ल )

राजै कहा सत्य कहु सूआ । बिनु सत जस सेंवर कर भूआ॥

होइ मुख रात सत्य के बाता । जहाँ सत्य तहँ धारम सँघाता॥

 

बाँधाो सिहिटि अहै सत केरी । लछिमी अहै सत्य कै चेरी॥

 

सत्य जहाँ साहस सिधिा पावा । औ सतवादी पुरुष कहावा॥

 

सत कहँ सती सँवारै सरा । आगि लाइ चहुँ दिसि सत जरा॥

 

दुइ जग तरा सत्य जेइ राखा । और पियार दइहि सत भाखा॥

 

सो सत छाँड़ि जो धारम बिनासा । भा मतिहीन धारम करि नासा।

 

तुम्ह सयान औ पंडित, असत न भाखहु काउ।

 

सत्य कहहु तुम मोसौं, दहुँ काकर अनियाउ॥1॥

 

सत्य कहत राजा जिउ जाऊ । पै मुख असत न भाखौं काऊ॥

 

हौं सत लेइ निसरेउँ एहि बूते । सिंघलदीप राजघर हूँते॥

 

पदमावति राजा कै बारी । पदुम गंधा ससि विधिा औतारी॥

 

समि मुख, अंग मलयगिरि रानी । कनक सुगंधा दुआदस बानी॥

 

अहैं जो पदमिनि सिंघल माहाँ । सुगँधा रूप सब तिन्हकै छाहाँ॥

 

हीरामन हौं तेहिक परेवा । कंठा फूट करत तेहि सेवा॥

 

औ पाएउँ मानुष कै भाषा । नाहिं त पंखि मूठि भर पाँखा॥

 

जौ लहि जिऔं रात दिन, सँवरौं ओहि कर नावँ।

 

मुख राता, तत हरियर, दुहूँ जगत लेइ जावँ॥2॥

 

हीरामन जो कँवल बखाना । सुनि राजा होइ भँवर भुलाना॥

 

आगे आव, पंखि उजियारा । कहँ सो दीप पतँग कै मारा॥

 

अहा जो कनक सुबासित ठाऊँ । कस न होइ हीरामन नाऊँ॥

 

को राजा, कस दीप उतंगू । जेहि रे सुनत मन भयउ पतंगू॥

 

 

सुनि समुद्र भा चख किलकिला । कवँलहि चहौं भँवर होइ मिला॥

 

कहु सुगंधा कस धानि निरमली । भा अलि संग कि अबहीं कली॥

 

औ कहु तहँ जहँ पदमिनिलोनी । घर घर सब के होइ जो होनी॥

 

सबै बखान तहाँ कर, कहत सो मोसौं आव।

 

चहौं दीप वह देखा, सुनत उठा अस चाव॥3॥

 

का राजा हौं बरनौं तासू । सिंघलदीप आहि कैलासू॥

 

जो गा तहाँ भुलाना सोई । गा जुग बीति न बहुरा कोई॥

 

घर घर पदमिनि छतिसौ जाती । सदा बसंत दिवस औ राती॥

 

जेहि जेहि बरन फूल फुलवारी । तेहि तेहि बरन सुगंधा सो नारी॥

 

गंधा्रबसेन तहाँ बड़ राजा । अछरिन्ह महँ इंद्रासन साजा॥

 

सो पदमावति तेहि कर बारी । जो सब दीप माँह उजियारी॥

 

चहूँ खंड के वर जो ओनाहीं । गरबहि राजा बोलै नाहीं॥

 

उअत सूर जस देखिय, चाँद छपै तेहि धाूप।

 

ऐसै सबै जाहिं छपि, पदमावति के रूप॥4॥

 

सुनि रवि नावँ रतन भा राता । पंडित फेरि उहै कहु बाता॥

 

तैं सुरंग मूरति वह कही । चित महँ लागि चित्रा होइ रही॥

 

जनु होइ सुरुज, आइमन बसी । सब घट पूरि हिये परगसी॥

 

अब हौं सुरुज, चाँद वह छाया । जल बिनु मीन, रकत बिनुकाया॥

 

किरिन करा भा प्रेम ऍंकूरू । जौं ससि सरग, मिलौं होइ सूरू॥

 

सहसौ करा रूप मन भूला । जहँ जहँ दीठ कँवल जनु फूला॥

 

तहाँ भवँर जिउ कँवला गंधाी । भइ ससि राहु केलि रिनि बंधाी॥

 

तीनि लोक चौदह ख्रड, सबै परै मोहिं सूझि।

 

पेम छाँड़ि नहिं लोन किछु, जो देखा मन बूझि॥5॥

 

पेम सुनत मन भूल न राजा । कठिन पेम, सिर देइ तौ छाजा1॥

 

पेम फाँद जो परा न छूटा । जीउ दीन्ह पै फाँद न टूटा॥

 

गिरगिट छंद धारै दुख तेता । खन खन पीत, रात, खन सेता॥

 

जान पुछार जो भा वनबासी । रोंव रोंव परे फँद नगवासी॥

 

पाँखन्ह फिरि फिरि परा सो फाँदू । उड़ि न सकै, अरुझा भा बाँदू॥

 

‘मुयो, मुयो’ अहनिसि चिल्लाई । ओही रोस नागन्ह धौ खाई॥

 

पँडुक, सुआ, कंक बह चीन्हा । जेहिं गिउ परा चाहि जिउ दीन्हा॥

 

 

तीतिर गिउ जो फाँद है, नित्तिा पुकारै दोख॥

 

सो कित हँकरि फाँद गिउ, मेलै कित मारे होइ मोख॥6॥

 

राजै लीन्ह ऊबि कै साँसा । ऐस बोल जिनि बोलु निरासा॥

 

भलेहि पेम है कठिन दुहेला । दुइ जग तरा पेम जेइ खेला॥

 

दुख भीतर जो पेम मधाु राखा । जग नहिं मरन सहै जो चाखा॥

 

जो नहिं सीस पेम पथ लावा । सो प्रिथिमी महँ काहे क आवा॥

 

अब मैं पंथ पेम सिर मेला । पाँव न ठेलु, राखु कै चेला॥

 

पेम बार सो कहै जो देखा । जो न देख का जान बिसेखा॥

 

तौ लगि दुख पीतम नहि भेंटा । मिलै, तौ जाइ जनम दुख मेटा॥

 

जस अनूप, तू बरनेसि, नखसिख बरनु सिंगार।

 

है मोहिं आस मिलै कै, जौं मेरवै करता॥7॥

 

(1) भूआ=सेमल की रूई। मुख रात होइ=सुर्खरू होता है। सरा=चिता।

 

(2) घर हँते=घर से (प्रा. पंचमी विभक्ति ‘हिंतो’)। दुवादस बानी=बारह बानी, चोखा (द्वादश वर्ण अर्थात् द्वादश आदित्य के समान)। कंठा फूट=गले में कंठे की लकीर प्रकट हुई, सयाना हुआ।

 

(3) पतंग कै मारा=जिसने पतंग बनाकर मारा। उतंगू=उत्ताुंग, ऊँचा। किलकिला=जल के ऊपर मछली के लिए मँडराने वाला एक जलपक्षी। होनी=बात, व्यवहार।

 

(4) अछरी=अप्सरा। ओनाहीं=झुकते हैं।

 

(5) करा=कला। लोन=सुंदर।

 

. यह पद एशियाटिक सोसाइटी बंगाल से प्रकाशित पदमावती में है।

 

(6) छंद=रूपरचना। पुछार=मयूर, मोर। नगवासी=नागों का फंदा अर्थात् नागपाश। धौ=धारकर। चीन्हा=चिद्द, लकीर, रेखा।

 

(7) ऊबि कै साँस लीन्ह=लंबी साँस ली। दुहेला=कठिन खेल। पाँव न ठेलु=पैर से न ठुकरा, तिरस्कार न कर। बिसेखा=मर्म।

 

कृपया हमारे फेसबुक पेज से जुड़ने के लिए यहाँ क्लिक करें

कृपया हमारे यूट्यूब चैनल से जुड़ने के लिए यहाँ क्लिक करें

कृपया हमारे ट्विटर पेज से जुड़ने के लिए यहाँ क्लिक करें

कृपया हमारे ऐप (App) को इंस्टाल करने के लिए यहाँ क्लिक करें

डिस्क्लेमर (अस्वीकरण से संबन्धित आवश्यक सूचना)- विभिन्न स्रोतों व अनुभवों से प्राप्त यथासम्भव सही व उपयोगी जानकारियों के आधार पर लिखे गए विभिन्न लेखकों/एक्सपर्ट्स के निजी विचार ही “स्वयं बनें गोपाल” संस्थान की इस वेबसाइट/फेसबुक पेज/ट्विटर पेज/यूट्यूब चैनल आदि पर विभिन्न लेखों/कहानियों/कविताओं/पोस्ट्स/विडियोज़ आदि के तौर पर प्रकाशित हैं, लेकिन “स्वयं बनें गोपाल” संस्थान और इससे जुड़े हुए कोई भी लेखक/एक्सपर्ट, इस वेबसाइट/फेसबुक पेज/ट्विटर पेज/यूट्यूब चैनल आदि के द्वारा, और किसी भी अन्य माध्यम के द्वारा, दी गयी किसी भी तरह की जानकारी की सत्यता, प्रमाणिकता व उपयोगिता का किसी भी प्रकार से दावा, पुष्टि व समर्थन नहीं करतें हैं, इसलिए कृपया इन जानकारियों को किसी भी तरह से प्रयोग में लाने से पहले, प्रत्यक्ष रूप से मिलकर, उन सम्बन्धित जानकारियों के दूसरे एक्सपर्ट्स से भी परामर्श अवश्य ले लें, क्योंकि हर मानव की शारीरिक सरंचना व परिस्थितियां अलग - अलग हो सकतीं हैं ! अतः किसी को भी, “स्वयं बनें गोपाल” संस्थान की इस वेबसाइट/फेसबुक पेज/ट्विटर पेज/यूट्यूब चैनल आदि के द्वारा, और इससे जुड़े हुए किसी भी लेखक/एक्सपर्ट के द्वारा, और किसी भी अन्य माध्यम के द्वारा, प्राप्त हुई किसी भी प्रकार की जानकारी को प्रयोग में लाने से हुई, किसी भी तरह की हानि व समस्या के लिए “स्वयं बनें गोपाल” संस्थान और इससे जुड़े हुए कोई भी लेखक/एक्सपर्ट जिम्मेदार नहीं होंगे ! धन्यवाद !