कविता – सुआ खंड – पदमावत – मलिक मुहम्मद जायसी – (संपादन – रामचंद्र शुक्ल )

पदमावति तहँ खेल दुलारी । सुआ मँदिर महँ देखि मजारी॥

कहेसि चलौं जौलहि तन पाँखा । जिउ लै उड़ा ताकि बनडाँखा॥

 

जाइ परा बा खंड जिउ लीन्हें । मिले पंखि, बहु आदर कीन्हें॥

 

आनि धारेन्हि आगे फरि साखा । भुगुति भेंट जौ लहि विधिा राखा॥

 

पाइ भुगुति सुख तेहि मन भयऊ । दुख जो अहा बिसरि सबगयऊ॥

 

ए गुसाइं तू ऐस विधााता । जावत जीव सबन्ह मुकदाता॥

 

पाहन महँ बहिं पतँग बिसारा । जहँ तोहि सुनिर दीन्ह तुइँ चारा॥

 

तौ लगि सोग बिछोह कर, भोजन परा न पेट।

 

पुनि बिसरन भा सुमिरना, जब संपति भै भेंट॥1॥

 

पदमावति पहँ आइ भँडारी । कहेसि मँदिर महँ परी मजारी॥

 

सुआ जो उतर देत रह पूछा । उडिगा, पिंजर न बोलै छूंछा॥

 

रानी सुना सबहिं सुख गयऊ । जनु निसि परी, अस्त दिन भयऊ॥

 

गहने गही चाँद कै करा । ऑंसु गगन जस नखतन्ह भरा॥

 

टूट पाल सरवर बहि लागे । कवँल बूड़, मधाुकर उड़ि भागे॥

 

एहि विधिा ऑंसु नखत होइ चूए । गगन छाँड़ि सरवर महँ ऊए॥

 

चिहुर चुईं मोतिन कै माला । अब सँकेत बाँधाा चहुँ पाला॥

 

उड़ि यह सुअटा कहँ बसा, खोजु सखी सो बासु।

 

दहुँ है धारती की सरग, पौन न पावै तासु॥2॥

 

चहूँ पास समुझावहिं सखी । कहाँ सो अब पाउब, गा पँखी?॥

 

जौ लहि पींजर अहा परेवा । रहा बंदि महँ, कीन्हेसि सेवा॥

 

तेहि बंदि हुति छुटै जो पावा । पुनि फिरि बंदि होइ कित आवा?॥

 

वै उड़ान फर तहियै खाए । जब भा पंखि, पाँख तन आए॥

 

पींजर जेहिक सौंपि तेहि गयउ । जो जाकर सो ताकर भयऊ॥

 

दस दुवार जेहि पींजर माँहा । कैसे बाँच मँजारी पाहाँ॥

 

यह धारती अस केतन लीला । पेट गाढ़ अस, बहुरि न ढीला॥1

 

जहाँ न राति न दिवस है, जहाँ न पौन न पानि।

 

तेहि बन सुअटा चलि बसा, कौन मिलावै आनि॥3॥

 

सुए तहाँ दिन दस कल काटी । आय बियाधा ढुका लेइ टाटी॥

 

पैग पैग भुइँ चापत आवा । पंखिन्ह देखि हिए डर खावा॥

 

देखिय किछु अचरज अनभला । तरिवर एक आवत है चला॥

 

एहि वन रहत गई हम्म आऊ । तरिवर चलत न देखा काऊ॥

 

आज तो तरिवर चल, भल नाहीं । आवहु यह वन छाँड़ि पराहीं॥

 

वै तौ उड़े और वन ताका । पंडित सुआ भूलि मन थाका॥

 

साखा देखि राजु जनु पावा । बैठ निचिंत चला वह आवा॥

 

पाँच बान कर खोंचा, लासा भरे सो पाँच।

 

पाँख भरे तन अरुझा, कित मारे बिनु बाँच॥4॥

 

बँधिागा सुआ करत सुख केली । चूरि पाँख मेलेसि धारि डेली॥

 

तहवाँ बहुत पंखि खरभरहीं । आपु आपु मह रोदन करहीं॥

 

बिखदाना कित होत ऍंगूरा । जेहि भा मरन डहन धारि चूरा॥

 

जौं न होत चारा कै आसा । कित चिरिहार ढुकत लेइ लासा॥

 

यह विष चारै सब बुधिा ठगी । औ भा काल हाथ लेइ लगी॥

 

एहि झूठी माया मन भूला । ज्यों पंखी तैसै तन फूला॥

 

यह मन कठिन मरै नहिं मारा । काल न देख, देख पै चारा॥

 

हम तो बुध्दि गँवावा, विष चारा अस खाइ।

 

तैं सुअटा पंडित होइ, कैसे बाझा आइ॥5॥

 

सुए कहा हमहूँ अस भूले । टूट हिंडोल गरब जेहि झूले॥

 

केरा के वन लीन्ह बसेरा । परा साथ तहँ बैरी केरा॥

 

सुख कुरवारि फरहरी खाना । ओहु विष भा जब ब्याधा तुलाना॥

 

काहेक भोग बिरिछ अस फरा । आड़ लाइ पंखिन्ह कहँ धारा?॥

 

सुखी निचिंत जोरि धान करना । यह न चिंत आगे है मरना॥

 

भूले हमहुँ गरब तेहि माहाँ । सो बिसरा पावा जेहि पाहाँ॥

 

होइ निचिंत बैठे तेहि आड़ा । तब जाना खोंचा हिए गाड़ा॥

 

चरत न खुरुक कीन्ह जिउ, तब रे चरा सुख सोइ॥

 

अब जो फाँद परा गिउ, तब रोए का होइ॥6॥

 

सुनि के उतर ऑंसु पुनि पोंछे । कौन पंखि बाँधाा बुधिा ओछे॥

 

पंखिन्ह जौ बुधिा होइ उजारी । पढ़ा सुआ कित धारै मँजारी॥

 

कित तीतिर वन जीभ उघेला । सो कित हँकरि फाँद गिउ मेला॥

 

तादिन ब्याधा भए जिउलेवा । उठे पाँख भा नाँव परेवा॥

 

भै बियाधिा तिसना सँग खाधाू । सूझै भुगुति, न सूझ बियाधाू॥

 

हमहिं लोभवै मेला चारा । हमहिं गर्बवै चाहै मारा॥

 

हम निचिंत वह आव छिपाना । कौन बियाधाहिं दोष अपाना॥

 

सो औगुन कित कीजिए, जिउ दीजै जेहि काज।

 

अब कहना है किछु नहीं, मस्ट भली पँखिराज॥7॥

 

(1) बनढाँख=ढाक का जंगल, जंगल। अहा=था।

 

(2) पाल=बाँधा, भीटा, किनारा। चिहुर=चिकुर, केश। सँकेत=सँकरा, तंग।

 

(3) हुति=से।

 

(4) ढुका=छिपकर बैठा। आऊ=आयु। काऊ=कभी। खोंचा=चिड़िया फँसाने का बाँस।

 

(5) डेली=डली, झाबा। डहन=डैना, पर। चिरिहार=बहेलिया। ढुकत=छिपता। लगी=लग्गी, बाँस की छड़। फूला=हर्ष और गर्व से इतराया। ऍंगूरा=अंकुर।

 

1. पाठांतर-असुमति, गजपति भूधार कीला।

 

(6) कुरवारि=खोद खोदकर, चोंच मार मारकर, जैसे-धारनी नख चरनन कुरवारति-सूर। बुलाना=आ पहुँचा। जेहि पाहाँ=जिस (ईश्वर) से। गिउ=ग्रीवा, गला।

 

(7)खाधाू=खाद्य।लौभवै=लोभहीने।मस्ट=मौन।

कृपया हमारे फेसबुक पेज से जुड़ने के लिए यहाँ क्लिक करें

कृपया हमारे यूट्यूब चैनल से जुड़ने के लिए यहाँ क्लिक करें

कृपया हमारे ट्विटर पेज से जुड़ने के लिए यहाँ क्लिक करें

कृपया हमारे ऐप (App) को इंस्टाल करने के लिए यहाँ क्लिक करें

डिस्क्लेमर (अस्वीकरण से संबन्धित आवश्यक सूचना)- विभिन्न स्रोतों व अनुभवों से प्राप्त यथासम्भव सही व उपयोगी जानकारियों के आधार पर लिखे गए विभिन्न लेखकों/एक्सपर्ट्स के निजी विचार ही “स्वयं बनें गोपाल” संस्थान की इस वेबसाइट/फेसबुक पेज/ट्विटर पेज/यूट्यूब चैनल आदि पर विभिन्न लेखों/कहानियों/कविताओं/पोस्ट्स/विडियोज़ आदि के तौर पर प्रकाशित हैं, लेकिन “स्वयं बनें गोपाल” संस्थान और इससे जुड़े हुए कोई भी लेखक/एक्सपर्ट, इस वेबसाइट/फेसबुक पेज/ट्विटर पेज/यूट्यूब चैनल आदि के द्वारा, और किसी भी अन्य माध्यम के द्वारा, दी गयी किसी भी तरह की जानकारी की सत्यता, प्रमाणिकता व उपयोगिता का किसी भी प्रकार से दावा, पुष्टि व समर्थन नहीं करतें हैं, इसलिए कृपया इन जानकारियों को किसी भी तरह से प्रयोग में लाने से पहले, प्रत्यक्ष रूप से मिलकर, उन सम्बन्धित जानकारियों के दूसरे एक्सपर्ट्स से भी परामर्श अवश्य ले लें, क्योंकि हर मानव की शारीरिक सरंचना व परिस्थितियां अलग - अलग हो सकतीं हैं ! अतः किसी को भी, “स्वयं बनें गोपाल” संस्थान की इस वेबसाइट/फेसबुक पेज/ट्विटर पेज/यूट्यूब चैनल आदि के द्वारा, और इससे जुड़े हुए किसी भी लेखक/एक्सपर्ट के द्वारा, और किसी भी अन्य माध्यम के द्वारा, प्राप्त हुई किसी भी प्रकार की जानकारी को प्रयोग में लाने से हुई, किसी भी तरह की हानि व समस्या के लिए “स्वयं बनें गोपाल” संस्थान और इससे जुड़े हुए कोई भी लेखक/एक्सपर्ट जिम्मेदार नहीं होंगे ! धन्यवाद !