कविता – राजा रत्नसेन सती खंड,पार्वती-महेश खंड,राजा-गढ़-छेंका खंड, – पदमावत – मलिक मुहम्मद जायसी – (संपादन – रामचंद्र शुक्ल )

कै बसंत पदमावति गई । राजहि तब बसंत सुधिा भई॥

जो जागा न बसंत न बारी । ना वह खेल, न खेलनहारी॥

 

ना वह ओहि कर रूप सुहाई । गै हेराइ, पुनि दिस्टि न आई॥

 

फूल झरे, सूखी फुलवारी । दीठि परी उकठी सब बारी॥

 

केइ यह बसत बसंत उजारा? । गा सो चाँद अथवा लेइ तारा॥

 

अब तेहि बिनु जग भा ऍंधाकूपा । वह सुख छाँह, जरौं दुख धाूपा॥

 

विरह दवा को जरत सिरावा? । को पीतम सौं करै मेरावा?॥

 

हिये देख तब चंदन खेवरा, मिलि कै लिखा बिछाव।

 

हाथ मींजि सिर धाुनि कै, रोवै जो निचित अस सोव॥1॥

 

जस बिछोह जल मीन दुहेला । जल हुँत काढ़ि अगिनि महँ मेला॥

 

चंदन ऑंक दाग हिय परे । बुझहिं न ते आखर परजरे॥

 

जनु सर आगि होइ हिय लागे । सब तन दागि सिंघ बन दागे॥

 

जरहिं मिरिंग बनख्रड तेहि ज्वाला । औ ते जरहिं बैठ तेहि छाला॥

 

कित तें ऑंक लिखे जो सोवा । मकु ऑंकन्ह तेह करत बिछोवा॥

 

जैस दुसंतहि साकुंतला । मधावानलहि कामकंदला॥

 

भा बिछोह जस नलहिं दमावति । नैना मूँदि छपी पदमावति॥

 

आइ बसंत जो छपि रहा, होइ फूलन्ह के भेस।

 

केहि बिधिा पावौं भौंर होइ, कौन गुरु उपदेस॥2॥

 

रोवै रतनमाल जनु चूरा । जहँ होइ ठाढ़, होइ तहँ कूरा॥

 

कहाँ बसंत औ कोकिल बैना । कहाँ कुसुम अति बेधाा नैना॥

 

कहाँ सो मूरति परी जो डोठी । काढि लिहेसि जिउ हिये पईठी॥

 

कहाँ सो देस दरस जेहि लाहा । जौं सुबसंत करीलहि काहा?॥

 

पात बिछोह रूख जो फूला । सो महुआ रोवै अस भूला॥

 

टपकै महुअ ऑंसु तस परहीं । हाइ महुआ बसंत ज्यों झरहीं॥

 

मोर बसंत सो पदमिनि बारी । जेहि बिनु भएउ बसंत उजारी॥

 

पावा नवल बसंत पुनि, बहु आरति बहु चोप।

 

ऐस न जाना अंत ही, पात झरहिं होइ कोप॥3॥

 

अरे मलिछ बिसवासी देवा । कित मैं आइ कीन्ह तेरि सेवा॥

 

आपनि नाव चढ़ै जो देई । सो तौ पार उतारै खेई॥

 

सुफल लागि पग टेकेउँ तोरा । सुआ क सेंवर तू भा मोरा॥

 

पाहन चढ़ि जो चहै भा पारा । सो ऐसे बूड़ै मझधाारा॥

 

पाहन सेवा कहाँ पसीजा? । जनम न ओद होइ जो भीजा॥

 

बाउर सोइ जो पाहन पूजा । सकत को भार लेइ सिर दूजा॥

 

काहे नहिं जिय सोइ निरासा । मुए जियत मन जाकरि आसा॥

 

सिंघ तरेदा जेइ गहा, पार भए तेहि साथ।

 

ते पै बूड़े बाउरे, भेंड़ पूँछि जिन्ह हाथ॥4॥

 

देव कहा सुनु, बउरे राजा । देवहि अगुमन मारा गाजा॥

 

जौं पहिलेहि अपने सिर परई । सो का काहुक धारहरि करई1॥

 

पदमावति राजा कै बारी । आइ सखिन्ह सब बदन उघारी॥

 

जैस चाँद गोहने सब तारा । परेउँ भुलाइ देखि उजियारा॥

 

चमकहिं दसन बीजु कै नाई । नैन चक्र जमकात भवाँई॥

 

हौं तेहि दीप पतँग होइ परा । जिउ जम काढ़ि सरग लेइ धारा॥

 

बहुरि न जानौं दहुँ का भई । दहुँ कविलास कि कहुँ अपसई॥

 

अब हौं मरौं निसाँसी, हिये न आवै साँस।

 

रोगिया की को चालै, बैदहि जहाँ उपास?॥5॥

 

आनहिं दोस देहुँ का काहू । संगी कया, मया नहिं ताहू॥

 

हता पियारा मीत बिछोई । साथ न लाग आपु गै सोई॥

 

का मैं कीन्ह जो काया पोषी । दूषन मोहिं, आप निरदोषी॥

 

फागु बसंत खेलि गई गोरी । मोहिं तन लाइ बिरह कैं होरी॥

 

‘

 

अब अस कहाँ छार सिर मेलौं? । छार जो होहुँ फाग तब खेलौं॥

 

कित तप कीन्ह छाँड़ि कै राजू । गएउ अहार न भा सिधा काजू॥

 

पाएउ नहिं होइ जोगी जती । अब सर चढ़ौं जरौं जस सती॥

 

आइ जो पीतम फिरि गा, मिला न आइ बसंत।

 

अब तन होरी घालि कै, जारि करौं भसमंत॥6॥

 

ककनू पंखि जैस पर साजा । तस सर साजि जरा चह राजा॥

 

सकल देवता आइ तुलाने । दहुँ का होइ देव असथाने॥

 

बिरह अगिनि बज्रागि असूझा । जरै सूर न बुझाए बूझा॥

 

तेहि के जरत जो उठै बजागी । तीनहुँ लोक जरै तेहि लागी॥

 

अबहिं की घरी सो चिनगी छूठै । जरहि पहार पहन सब फूटै॥

 

देवता सबै भसम होइ जाहीं । छार समेटे पाउब नाहीं॥

 

धारती सरग होइ सब ताता । है कोई एहि राख विधााता॥

 

मुहमद चिनगी पेम कै, सुनि महि गगन डेराइ।

 

धानि बिरही औ धानि हिया, तहँ अस अगिनि समाइ॥7॥

 

हनुवँत बीर लंक जेइ जारी । परबत उहै अहा रखवारी॥

 

बैठि तहाँ होइ लंका ताका । छठएँ मास देइ उठि हाँका॥

 

तेहि कै आगि उहौ पुनि जरा । लंका छाँड़ि पलंका परा॥

 

जाइ तहाँ वै कहा सँदेसू । पारबती औ जहाँ महेसू॥

 

जोगी आहि बियोगी कोई । तुम्हरे मँडप आगि तेइ बोई॥

 

जरा लँगूर सु राता उहाँ । निकसि जो भागि भएउँ करमुहाँ॥

 

तेहि बज्रागि जरै हौं लागा । बजरअंग जरतहि उठि भागा॥

 

रावन लंका हौं दही, वह हौं दाहे आव।

 

गए पहार सब औटि कै, को राखै गहि पाव?॥8॥

 

(1) उकठी=सूखकर ऐंठी हुई। अथवा=अस्त हुआ। खेवरा=खौरा हुआ, विचित्रा किया या लगाया हुआ।

 

(2) हुँत=से। परजरे=जलते रहे। सर आगि=अग्निबाण। सब…दागे=मानो उन्हीं अग्निबाणों से झुलसकर सिंह के शरीर में दाग बन गए हैं और बन में आग लगा करती है। कितते ऑंक‑‑‑सोवा=जब सोया था तब वे अंक क्यों लिखे गए; दूसरे पक्ष में जब जीव अज्ञान दशा में गर्भ में रहता है तब भाग्य का लेख क्यों लिखा जाता है। दमावति=दमयंती।

 

(3) कहाँ सो देस…लाहा?=बसंत के दर्शन से लाभ उठानेवाला अच्छा देश चाहिए, सो कहाँ है? करील के बन में बसंत के जाने ही से क्या? आरति=दु:ख। चोप=चाह।

 

(4) ओद=गीला, आर्द्र। तरेदा=तैरनेवाला काठ, बेड़ा।

 

(5) गाजा=गाज, बज्र। धारहरि=धार पकड़, बचाव। गोहने=साथ या सेवा में। अपसई=गायब हो गई। निसाँसी=बेदम। को चालै=कौन चलावै।

 

1. कुछ प्रतियों में यह पाठ है-‘जबहिं आगि अपने सिर लागी। आन बुझावै कहाँ सो आगी।

 

(6) हता=था, आया था। सर=चिता।

 

(7) ककनू (फा. ककनूस)=एक पक्षी जिसके संबंधा में प्रसिध्द है कि आयु पूरी होने पर वह घोंसले में बैठकर गाने लगता है जिससे आग लग जाती है और वह जल जाता है। पहन=पाषाण, पत्थर।

 

(8) पलंका=पलंग, चारपाई अथवा लंका के भी आगे ‘पलंका’ नामक कल्पित द्वीप।

 

 

ततखन पहुँचे आइ महेसू । बाहन बैल, कुस्टि कर भेसू॥

 

काथरि कया हड़ावरि बाँधो । मुंड माल और हत्या काँधो॥

 

सेसनाग जागे कँठमाला । तनु भभूति, हस्ती करछाला॥

 

पहुँची रुद्रकँवल के गटा । ससि माथे औ सुरसरि जटा॥

 

चँवर घंट औ डँवरू हाथा । गौरा पारवती धानि साथा॥

 

औ हनुवंत वीर सँग आवा । धारे भेस बाँदर जस छावा॥

 

अवतहि कहेन्हि न लावहु आगी । तेहि कै सपथ जरहु जेहि लागी॥

 

की तप करै न पारेहु, की रे नसाएहु जोग?

 

जियत जीउ कस काढ़हु? कहहु सो मोहि बियोग॥1॥

 

कहेसि मोहि बातन्ह बिलमावा । हत्या केरि न डर तोहि आवा॥

 

जरै देहु, दुख जरौं अपारा । निस्तर पाइ जाउँ एक बारा॥

 

जस भरथरी लागि पिंगला । मो कहँ पदमावति सिंघला॥

 

मैं पुनि तजा राज औ भोगू । सुनि सो नावँ लीन्ह तप जोगू॥

 

एहि मढ़ सोएहुँ आइ निरासा । गइ सो पूजि, मन पूजिन आसा॥

 

मैं यह जिउ डाढ़े पर दाधाा । आधाा निकसि रहा, घट आधाा॥

 

जो अधाजर सौ बिलंब न लावा । करत बिलंब बहुत दुख पावा॥

 

एतना बोल कहत मुख, उठी बिरह कै आगि।

 

जौं महेस न बुझावत, जाति सकल जग लागि॥2॥

 

पारबती मन उपना चाऊ । देखौं कुँवर केर सत भाऊ॥

 

ओहि ऐहि बीच कि पेमहि पूजा । तन मन एक कि मारग दूजा॥

 

भइ सुरूप जानहुँ अपछरा । बिहँसि कुँवर कर ऑंचर धारा॥

 

सुनहु कुँवर मौसौं एक बाता । जस मोहि रंग न औरहि राता॥

 

 

औ बिधिा रूप दीन्ह है तोकाँ । उठा सो सबद जाइ सिवलोका॥

 

तब हौं तोपहँ इंद्र पठाई । गइ पदमिनि, तैं अछरी पाई॥

 

अब तजु जरन मरन, तप जोगू । मोसौं मानु जनम भरि भोगू॥

 

हौं अछरी कबिलास कै, जेहि सर पूजि न कोइ।

 

मोहि तजि सँवरि न ओहि मरसि, कौन लाभ तेहि होइ?॥3॥

 

भलेहि रंग अछरी तोर राता । मोहिं दूसरे सौं भाव न बाता॥

 

मोहिं ओहि सँवरि मुए तम लाहा । नैन जो देखसि पूछसि काहा॥

 

अबहिं ताहिं जिउ देइ न पावा । तोहि अस अछरी ठाढ़ि मनावा॥

 

जौं जिउ देइहौं ओहि कै आसा । न जनौं काह होइ कविलासा॥

 

हौं कबिलास काह लै करऊँ । सोइ कबिलास लागि जेहि मरऊँ॥

 

ओहि के बार जीउ नहिं बारौं । सिर उतारि नेवछावरि सारौं॥

 

ताकर चाह कहै जो आई । दोउ जगत तेहि देहुँ बड़ाई॥

 

ओहि न मोर किछु आसा, हौं ओहि आस करेउँ।

 

तेहि निरास पीतम कहँ, जिउ न देउँ का देउँ ॥4॥

 

गौरइ हँसि महेस सौं कहा । निहचै एहिं बिरहानल दहा॥

 

निहचै यह ओहि कारन तपा । परिमल पेम न आछै छपा॥

 

निहचै पेम पीर यह जागा । कसे कसौटी कंचन लागा॥

 

बदन पियर जल डभकहि नैना । परगट दुवौ पेम के बैना॥

 

यह एहि जनम लागि ओहि सीझा । चहै न औरहि ओही रीझा॥

 

महादेव देवन्ह के पीता । तुम्हरी सरन राम रन जीता॥

 

एहू कहँ तस मया करेहू । पुरवहु आस कि हत्या लेहू॥

 

हत्या दुइ के चढ़ाए, काँधो बहु अपराधा।

 

तीसर यह लेउ माथे, जो लेवै कै साधा॥5॥

 

सुनि कै महादेव के भाखा । सिध्दि पुरुष राजै मन लाखा॥

 

सिध्दहि अंग न बैठे माखी । सिध्द पलक नहिं लावै ऑंखी॥

 

सिध्दहिं संग होइ नहिं छाया । सिध्दहिं होइ भूख नहिं माया॥

 

जेहि जग सिध्द गोसाईं कीन्हा । परगट गुपुत रहै को चीन्हा?॥

 

बैल चढ़ा कुस्टी कर भेसू । गिरजापति सत आइ महेसू॥

 

 

चीन्है सोइ रहै जो खोजा । जस विक्रम औ राजा भोजा॥

 

जो ओहि तंत सत्ता सौं हेरा । गएउ हेराइ जो ओहि भा मेरा॥

 

बिन गुरु पंथ न पाइय, भूलै सो जो मेट।

 

जोगी सिध्द होइ तब, जब गोरख सौं भेंट॥6॥

 

ततखन रतनसेन गहबरा । रोउब छाँड़ि पाँव लेइ परा॥

 

मातै पितै जनम कित पाला । जो अस फाँद पेम गिउ घाला?॥

 

धारती सरग मिले हुत दोऊ । केइ निनार कै दीन्ह बिछोऊ!॥

 

पदिक पदारथ कर हुँत खोवा । टूटहिं रतन, रतन तस रोवा॥

 

गगन मेघ जस बरसै भला । पुहुपी पूरि सलिल बहि चला॥

 

सायर टूट, सिखर गा पाटा । सूझ न बार पार कहुँ घाटा॥

 

पौन पान होइ होइ सब गिरई । पेम के फंद कोइ जनि परई॥

 

तस रोवै जस जिउ जरै, गिरै रक्त औ माँसु।

 

रोवँ रोवँ सब रोवँही, सूत सूत भरि ऑंसु॥7॥

 

रोवत बूड़ि उठा संसारू । महादेव तब भएउ भयारू॥

 

कहेन्हि न रोव, बहुत तै रोवा । अब ईसर भा, दारिद खोवा॥

 

जो दुख सहै होइ दुख ओकाँ । दुख बिनु सुख न जाइ सिवलोका॥

 

अब तैं सिध्द भएसि सिधिा पाई । दरपन कया छूटि गइ काई॥

 

कहौं बात अब हौं उपदेसी । लागु पंथ, भूले परदेसी॥

 

जौ लगि चोर सेंधा नहिं देई । राजा केरि न मूसै पेई॥

 

चढ़े न जाइ बार ओहि खूँदी । परैं त सेंधिा सीस बल मूँदी॥

 

कहौं सो तेहि सिंघलगढ़, है ख्रड सात चढ़ाव।

 

फिरा न कोई जियत जिउ, सरग पंथ देइ पाव॥8॥

 

गढ़ तस बाँक जैसि तेरि काया । पुरुष देखु ओही कै छाया॥

 

पाइय नाहिं जूझ हठि कीन्हें । जेइ पावा तेइ आपुहि चीन्हें॥

 

नौ पौरी तेहि गढ़ मझियारा । औ तहँ फिरहि पाँच कोटवारा॥

 

दसवँ दुआर गुपुत एक ताका । अगम चढ़ाव, बाट सुठि बाँका॥

 

भेदै जाइ सोइ वह घाटी । जो लहि भेद, चढ़ै होइ चाँटी॥

 

गढ़ तर कुंड, सुरँग तेहि माहाँ । तहँ बह पंथ कहौं तोहि पाहाँ॥

 

चोर बैठ जस सेंधिा सँवारी । जुआ पैंत जस लाव जुआरी॥

 

 

जस मरजिया समुद धाँस, हाथ आव तब सीप।

 

ढूँढ़ि लेइ जा सरग दुआरी, चढ़ै सो सिंघलदीप॥9॥

 

दसवँ दुआर ताल कै लेखा । उलटि दिस्टि जो लाव सो देखा॥

 

जाइ सो तहाँ साँस मन बँधाी । जस धाँसि लीन्ह कान्ह कालिंदी॥

 

तू मन नाथु मारि कै साँसा । जो पै मरहि अबहिं करु नासा॥

 

परगट लोकचार कहु बाता । गुपुत लाउ मन जासौं राता॥

 

‘हौं हौं’ कहत सबैं मति खोई । जौं तू नाहिं आहि सब कोई॥

 

जियतहिं जुरै मरै एक बारा । पुनि का मीचु, को मारै पारा॥

 

आपुहि गुरु सो आपुहिं चेला । आपुहिं सब औ आपु अकेला॥

 

आपुहि मीच जियन पुनि, आपुहि तन मन सोइ।

 

अपुहि आपु करै जो चाहै, कहाँ सो दूसर कोइ?।10॥

 

(1) कुस्टि=कुष्टी, कोढ़ी। हड़ावरि=अस्थि की माला। हत्या=मृत्यु, काल? रुद्रकँवल=रुद्राक्ष। गटा=गट्टा, गोल दाना।

 

(2) निस्तर=निस्तार, छुटकारा।

 

(3) ओहि एहि बीच…दूजा=उसमें (पदमावती में) और इसमें कुछ और अंतर रह गया है कि वह अंतर प्रेम से भर गया है और दोनों अभिन्न हो गए हैं।

 

(4) राता=ललित, सुंदर। तोकाँ=तुमको, (=तो कहँ)। तस=ऐसा (इस अर्थ में प्राय: प्रयोग मिलता है)। कविलास स्वर्ग। वारौं बचाऊँ। सारौं करूँ। चाह=खबर। निरास=जिसे किसी की आशा न हो, जो किसी के आसरे का न हो।

 

(5) आछे=रहता है। कसे=कसने पर। लागा=प्रतीत हुआ। डभकहिं=डबडबाते हैं, आर्द्र होते हैं। परगट…बैना=दोनों (पीले मुख और गीले नेत्रा) प्रेम के वचन या बात प्रकट करते हैं। हत्या दुइ=दोनों कंधाों पर एक एक (कवि ने शिव के कंधो पर हत्या की कल्पना क्यों की है, यह नहीं स्पष्ट होता)।

 

(6) लाख=लखा, पहचाना। मेरा=मेल, भेंट। जो इस सिध्दांत को नहीं मानता।

 

(7) गहबरा=घबराया। घाला=डाला। पदिक=ताबीज, जंतर। गा पाटा=(पानीसे) पट गया।

 

(8) मयारु=मया करनेवाला, दयार्द्र। ईसर=ऐश्वर्य। आकाँ=उसको (ओकाँ=ओकहँ)। मूसै पेई=मूसने पाता है। चढ़ै न खूँदी=कूदकर चढने से उस व्दार तक नहीं जा सकता।

 

(9) ताका=उसका। जो लहि… चाँटी=जो गुरु से भेद पाकर चींटी के समान धीरे-धीरे (योगियों के पिपीलिका मार्ग से) चढ़ता है। पैंत=दाँव।

 

(10) ताल कै लेखा=ताड़ के समान (ऊँचा)। लोकचार=लोकाचार की। जुरै=जुट जाय।

 

 

 

सिधिा गुटिका राजै जब पावा । पुनि भइ सिध्दि गनेस मनावा॥

 

जब संकर सिधिा दीन्ह गुटेका । परी हूल, जोगिन्ह गढ़ छेंका॥

 

सबैं पदमावति देखहिं चढ़ी । सिंघल छेंकि उठा होइ मढ़ी॥

 

जस घर भरे चोर मत कीन्हा । तेहि बिधिा सेंधिा चाह गढ़ दीन्हा॥

 

गुपुत चोर जो रहै सो साँचा । परगट होइ जीउ नहिं बाँचा॥

 

पौरि पौरि गढ़ लाग केवारा । औ राजा सौं भई पुकारा॥

 

जोगी आइ छेंकि गढ़ मेला । न जनौं कौन देस तें खेला॥

 

भएउ रजायसु देखौ, को भिखारि अस ढीठ।

 

बेगि बरज तेहि आवहु, जन दुइ पठैं बसीठ॥1॥

 

उतरि बसीठन्ह आइ जोहारे । ‘की तुम जोगी, की बनिजारे॥

 

भएउ रजायसु आगे खेलहिं । गढ़ तर छाँड़ि अनत होइ मेलहिं॥

 

अस लागेहु केहि के सिख दीन्हे । आएहु मरै हाथ जिउ लीन्हे॥

 

इहाँ इंद्र अस राजा तपा । जबहिं रिसाइ सूर डरि छपा॥

 

हौ बनिजार तौ बनिज बेसाहौ । भरि बैपार लेहु जो चाहौ॥

 

हौ जोगी तौ जुगुति सो माँगौ । भुगुति लेहु लै मारग लागौ॥

 

इहाँ देवता अस गए हारी । तुम्ह पतिंग को अहौ भिखारी॥

 

तुम्ह जोगी बैरागी, कहत न मानहु कोहु॥

 

लेहु माँगि किछु भिच्छा, खेलि अनत कहुँ होहु’॥2॥

 

‘आनु जो भीखि हौं आएऊँ लेई । कस न लेउँ जौ राजा देई॥

 

पदमावति राजा कै बारी । हौं जोगी ओहि लागि भिखारी॥

 

खप्पर लेइ बार भा माँगौं । भुगुति देइ लेइ मारग लागौं॥

 

सोई भुगुति परापति भूजा । कहाँ जाउँ अस बार न दूजा॥

 

अब धार इहाँ जीउ ओहि ठाऊँ । भसम होउँ बरु तजौं न नाऊँ॥

 

जस बिनु प्रान पिंड है छूँछा । धारम लाइ कहिहौं जो पूछा॥

 

तुम्ह बसीठ राजा के ओरा । साखी होहु एहि भीख निहोरा॥

 

जोगी बार आव सो, जेहि भिच्छा कै आस।

 

जो निरास दिढ़ आसन, कित गौने केहु पास?’ ॥3॥

 

सुनि बसीठ मन उपनी रीसा । जौ पीसत घुन जाइहि पीसा॥

 

जोगी अस कहुँ कहै न कोई । सो कहु बात जोग जो होई॥

 

वह बड़ राज इंद्र कर पाटा । धारती परा सरग को चाटा?॥

 

जौ यह बात जाइ तहँ चली । छूटहिं अबहिं हस्ति सिंघली॥

 

औ जौं छूटहिं वज्र कर गोटा । बिसरिहि भुगुति होइ सब रोटा॥

 

जहँ केहु दिस्टिनजाइ पसारी । तहाँ पसारसि हाथ भिखारी॥

 

आगे देखि पाँव धारु नाथा। तहाँ न हेरु टूट जहँ माथा॥

 

वह रानी तेहि जोग है, जाहि राज औ पाटु।

 

सुंदरि जाइहि राजघर, जोगिहि बाँदर काटु॥4॥

 

जौं जोगी सत बाँदर काटा । एकै जोग, न दूसरि बाटा॥

 

और साधाना आवै साधो । जोग साधाना आपुहि दाधो1॥

 

सरि पहुँचाव जोगि कर साथू । दिस्टि चाहि अगमन होइ हाथू॥

 

तुम्हरे जोर सिंघल के हाथी । हमरे हस्ति गुरु हैं साथी॥

 

अस्ति नास्ति ओहि करत न बारा । परबत करै पाँव कै छारा॥

 

जोर गिरे गढ़ जावत भये । जे गढ़ गरब करहिं ते नये॥

 

अंत क चलना कोइ न चीन्हा । जो आवा सो आपन कीन्हा॥

 

जोगिहि कोइ न चाहिय, तस न मोहि रिसि लागि।

 

जोग तंत ज्यों पानी, काह करै तेहि आगि? ॥5॥

 

बसिठन्ह जाइ कही अस बाता । राजा सुनत कोह भा राता॥

 

ठावहिं ठाँव कुँवर सब माखे । केइअब लीन्ह जोग केइ राखे?॥

 

अबहीं बेगिहि करौ सँजोऊ । तस मारहु हत्या नहिं होऊ॥

 

मंत्रिान्ह कहा रहौ मन बूझे । पति न होइ जीगिन्ह सौं जूझे॥

 

ओहि मारै तौ काह भिखारी । लाज होइ जौं माना हारी॥

 

ना भल मुए, न मारे मोखू । दुवौ बात लागै सम दोखू॥

 

रहै देहु जौ गढ़ तर मेले । जोगी कित आछैं बिनु खेले?॥

 

आछै देहु जो गढ़ तरे, जनि चालहु यह बात।

 

तहँ जो पाहन भख करहिं, अस केहिके मुख दाँत॥6॥

 

गए बसीठ पुनि बहुरि न आए । राजै कहा बहुत दिन लाए॥

 

न जनौं सरग बात दहुँ काहा । काहु न आइ कही फिरि चाहा॥

 

पंख न काया, पौन न पाया । केहि विधिा मिलौं होइ कै छाया?॥

 

सँवरि रकत नैनहिं भरि चूआ । रोइ हँकारेसि माझी सूआ॥

 

परीजो ऑंसु रकत कै टूटी । रेंगि चलीं जस बीरबहूटी॥

 

ओहि रकत लिखि दीन्ही पाती । सुआ जो लीन्ह चोंच भइ राती॥

 

बाँधाी कंठ परा जरि काँठा । बिरह क जरा जाइ कित नाठा?॥

 

मसि नैना, लिखनी बरुनि, रोइ रोइ लिखा अकत्थ।

 

आखर दहै, न कोइ छुवै, दीन्ह परेवा हत्थ॥7॥

 

औ मुख बचन जो कहा परेवा । पहिले मोरि बहुत कहि सेवा॥

 

पुनि रे सँवार कहेसि अस दूजी । जो बलि दीन्ह देवतन्ह पूजी॥

 

सो अबहीं तुम्ह सेव न लागा । बलि जिउ रहा, न तन सो जागा॥

 

भलेहि ईस हू तुम्ह बलि दीन्हा । जहँ तुम्ह तहाँ भाव बलि कीन्हा॥

 

जौ तुम्ह मया कीन्ह पगु धाारा । दिस्टि देखाइ बान बिष मारा॥

 

जो जाकर अस आसामुखी । दुख महँ ऐस न मारै दुखी॥

 

नैन भिखारि न मानहिं सीखा । अगमन दौरि लेहिं पै भीखा॥

 

नैनहिं नैन जो बेधिा गए, नहिं निकसैं वै बान।

 

हिये जो आखर तुम्ह लिखे, ते सुठि लीन्ह परान॥8॥

 

ते बिषबान लिखौं कहँ ताईं । रकत जो चुआ भीजि दुनियाईं॥

 

जान जो गारै रकत पसेऊ । सुखी न जान दुखी कर भेऊ॥

 

जेहि न पीर तेहि काकरि चिंता । पीतम निठुर होइँ अस निंता॥

 

कासौं कहौं बिरह कै भाषा? । जासौं कहौं होइ जरि राखा॥

 

बिरह आगि तन बन बन जरे । नैन नीर सब सायर भरे॥

 

पाती लिखी सँवरि तुम्ह नावाँ । रकत लिखे आखर भए सावाँ॥

 

आखर जरहि न काहू छूआ । तब दुख देखि चला लेइ सूआ॥

 

अब सुठि मरौं, छूँछि गइ (पाती) पेम पियारे हाथ।

 

भेंट होत दुख रोइ सुनावत, जीउ जात जौ साथ॥9॥

 

कंचन तार बाँधिा गिउ पाती । लेइ गा सुआ जहाँ धानि राती॥

 

जैसे कँवल सूर कै आसा । नीर कंठ लहि मरत पियासा॥

 

बिसरा भोग सेज सुख बासा । जहाँ भौंर सब तहाँ हुलासा॥

 

तौ लगि धाीर सुना नहिं पीऊ । सुना न घरी रहै नहिं जीऊ॥

 

तौ लगि सुख हिय पेम न जाना । जहाँ पेम कत सुख बिसरामा?॥

 

अगर चँदन सुठि दहै सरीरू । औ भा अगिनि कया कर चीरू॥

 

कथा कहानी सुनि जिउ जरा । जानहुँ घीउ बसंदर परा॥

 

बिरह न आपु सँभारै, मैल चीर, सिर रूख।

 

पिउ पिउ करत राति दिन, जस पपिहा मुख सूख॥10॥

 

ततखन गा हीरामन आई । मरत पियास छाँह जनु पाई॥

 

भल तुम्ह सुआ? कीन्ह है फेरा । कहहु कुसल अब पीतम केरा॥

 

वाट न जानौं, अगम पहारा । हिरदय मिला न होइ निनारा॥

 

मरम पानि कर जान पियासा । जो जल महँ ता कहँ का आसा?॥

 

का रानी यह पूछहू बाता । जिनि कोइ होइ पेम कर राता॥

 

तुम्हरे दरसन लागि बियोगी । अहा सो महादेव मठ जोगी॥

 

तुम्ह बसंत लेइ तहाँ सिधााई । देव पूजि पुनि ओहि पहँ आई॥

 

दिस्टि बान तस मारेहु, घायल भा तेहि ठाँव।

 

दूसरि बात न बोलै, लेइ पदमावति नाँव॥11॥

 

रोवँ रोवँ वै बान जो फूटे । सूतहि सूत रुहिर मुख छूटे॥

 

नैनहिं चली रकत कै धाारा । कंठा भीजि भएउ रतनारा॥

 

सूरज बूड़ि उठा होइ ताता । औ मजीठ टेसू बन राता॥

 

भा बसंत रातीं बनसपती । औ राते सब जोगी जती॥

 

पुहिमि जो भीजि, भयेउ सब गेरू । औ राते तहँ पंखि पखेरू॥

 

राती सती अगिनि सब काया । गगन मेघ राते तेहि छाया॥

 

ईंगुर भा पहार जौं भीजा । पै तुम्हार नहिं रोवँ पसीजा॥

 

तहाँ चकोर कोकिला, तिन्ह हिय मया पईठि।

 

नैन रकत भरि आए, तुम्ह फिरि कीन्हि न दीठि। 12॥

 

ऐ1ृस बसंत तुमहिं पै खेलहु । रकत पराए सेंदुर मेलेहु॥

 

तुम्ह तौ खेलि मँदिर महँ आईं । ओहि क मरम पै जान गोसाईं॥

 

कहेसि जरे को बारहि बारा । एकहि बार होहुँ जरि छारा॥

 

सर रचि चहा आगि जो लाई । महादेव गीरी सुधिा पाई॥

 

आइ बुझाइ दीन्ह पथ तहाँ । मरन खल कर आगम जहाँ॥

 

उलटा पंथ पेम के बारा । चढ़ै सरग, जौ परै पतारा॥

 

अब धाँसि लीन्ह चहै तेहि आसा । पावै साँस, कि मरै निरासा॥

 

पाती लिखि सो पठाई, इहै सबै दुख रोइ।

 

दहुँ जिउ रहै कि निसरै, काह रजायसु होइ?॥13॥

 

कहि कै सुआ जो छोड़ेसि पाती । जानहु दीप छुवत तस ताती॥

 

गीउ जो बाँधाा कंचन तागा । राता साँव कंठ जरि लागा॥

 

अगिनि साँस सँग निसरै ताती । तरुवर जरहिं ताहि कै पाती॥

 

रोइ रोइ सुआ कहै सो बाता । रकत कै ऑंसु भएउ मुख राता॥

 

देख कंठ जरि लाग सो गेरा । सो कस जरै बिरह अस घेरा॥

 

जरि जरि हाड़ भयउ सब चूना । तहाँ मासु का रकत बिहूना॥

 

वह तोहि लागि कया सब जारी । तपत मीन, जल देहि पवारी॥

 

तोहि कारन वह जोगी, भसम कीन्ह तन दाहि॥

 

तू असि निठुर निछोही, बात न पूछै ताहि॥14॥

 

कहेसि सुआ! मोसौं सुनु बाता । चहौं तो आज मिलौं जस राता॥

 

पै सो मरम न जाना भोरा । जानै प्रीति जो मरि कै जोरा॥

 

हौं जानति हौं अबहीं काँचा । ना वह प्रीति रंग थिर राँचा॥

 

ना वह भयउ मलयगिरि बासा । ना वह रबि होइ चढ़ा अकासा॥

 

ना वह भयउ भौंर कर रगू । ना वह दीपक भयउ पतगू॥

 

ना वह करा भृंग कै होई । ना वह आपु मरा जिउ खोई॥

 

ना वह प्रेम औटि एक भयऊ । ना ओहि हिये माँझ डर गयऊ॥

 

तेहि का कहिय रहब जिउ, रहै जो पीतम लागि।

 

जहँ वह सुनै लेइ धाँसि, का पानी, का आगि॥15॥

 

पुनि धानि कनकपानि मसि माँगी । उतर लिखत भीजी तन ऑंगी।

 

तस कंचन कहँ चहिय सोहागा । जौं निरमल नग होइ तौ लागा॥

 

हौं जो गइ सिव मंडप भोरी । तहँवाँ कस न गाँठि तैं जारी॥

 

भा बिसँभार देखि कै नैना । सखिन्ह लाज का बोलौं बैना?॥

 

खेलहिं मिस मैं चंदन घाला । मकु जागसि तौं देउँ जयमाला॥

 

तबहुँ न जागा, गा तू सोई । जाने भेंट, न सोए होई॥

 

अब जौं सूर होइ चढ़ै अकासा । जौं जिउ देइ त आवै पासा॥

 

तौ लगि भुगुति न लेइ सका, रावन सिय जब साथ।

 

कौन भरोसे अब कहौं, जीउ पराए हाथ॥16॥

 

अब जौ सूर गगन चढ़ि आवै । राहु होइ तौ ससि कहँ पावै॥

 

बहुतन्ह ऐस जीउ पर खेला । तू जोगी कित आहि अकेला॥

 

बिक्रम धाँसा पेम कै बारा । सपनावति कहँ गएउ पतारा॥

 

मधाूपाछ मुगुधाावति लागी । गगनपूर होइगा बैरागी॥

 

राजकुँवर कंचनपुर गयऊ । मिरिगाबति कहँ जोगी भएऊ॥

 

साधा कुँवर खंडावत जोगू । मधाु मालति कर कीन्ह बियोगू॥

 

प्रेमाबति कहँ सुरसर साधाा । उषा लगि अनिरुधा बर बाँधाा॥

 

हौं रानी पदमावति, सात सरग पर बास।

 

हाथ चढ़ौं मैं तोहिके, प्रथम करै अपनास॥17॥

 

हौं पुनि इहाँ ऐस तोहि राती । आधाी भेंट पिरीतम पाती॥

 

तहुँ जौ प्रीति निबाहै ऑंटा । भौंर न देख केत कर काँटा॥

 

होइ पतंग अधारन्ह गहु दीया । लेसि समुद धाँसि होइ मरजीया॥

 

रातु रंग जिमि दीपक बाती । नैन लाउ होइ सीप सेवाती॥

 

चातक होइ पुकारु पियासा । पीउ न पानि सेवाति कै आसा॥

 

सारस कर जस बिछुरा जोरा । नैन होहि जस चंद चकोरा॥

 

होहि चकोर दिस्टि ससि पाँहा । औ रबि होइ कँवल दल माँहा॥

 

महु ऐसे होउँ तोहि कहँ, सकहि तौ ओर निबाहु॥

 

राहु बेधिा अरजुन होइ, जीतु दुरपदी ब्याहु॥18॥

 

राजा इहाँ ऐस तप झूरा । भा जरि बिरह छार कर कूरा॥

 

नैन लाइ सो गएउ बिमोही । भा बिनु जिउ, जिउ दीन्हेसि ओही॥

 

कहाँ पिंगला सुखमन नारी । सूनि समाधिा लागि गइ तारी॥

 

बूँद समुद्र जैस होइ मेरा । गा हेराइ अस मिलै न हेरा॥

 

रंगहि पान मिला जस होई । आपहि खोइ रहा होइ सोई॥

 

सुए जाइ जब देखा तासू । नैन रकत भरि आए ऑंसू॥

 

सदा पिरीतम गाढ़ करेई । ओहि न भुलाइ, भूलि जिउ देई॥

 

मूरि सजीवन आनि कै, औ मुख मेला नीर।

 

गरुड़ पंख जस झारै, अमृत बरसा कीर॥19॥

 

मुआ जिया अस बास जो पावा । लीन्हेसि साँस, पेट जिउ आवा॥

 

देखेसि जागि, सुआ सिर नावा । पाती देइ मुख बचन सुनावा॥

 

गुरु क बचन स्रवन दुइ मेला । कीन्हि सुदिस्टि, बेगि चलु चेला॥

 

तोहि अलि कीन्ह आप भइ केवा । हौं पठवा गुरु बीच परेवा॥

 

पौन साँस तोसौं मन लाई । जोवै मारग दिस्टि बिछाई॥

 

जस तुम्ह कया कीन्ह अगिदाहू । सो सब गुरु कहँ भएउ अगाहू॥

 

तब उदंत छाला लिखि दीन्हा । बेगि आउ, चाहै सिधा कीन्हा॥

 

आवहु सामि सुलच्छना, जीउ बसै तुम्ह नाँव॥

 

नैनहिं भीतर पंथ है, हिरदय भीतर ठाँव॥20॥

 

सुनि पदमापति कै असि मया । भा बसंत उपनी नइ कया॥

 

सुआ क बोल पौन होइ लागा । उठा सोइ, हनुवंत अस जागा॥

 

चाँद मिलै कै दीन्हेसि आसा । सहसौ कला सूर परगासा॥

 

पाति लीन्हि, लेइ सीस चढ़ावा । दीठि चकोर चंद जस पावा॥

 

आस पियासा जो जेहि केरा । जौं झिझकार, ओहि सहुँ हेरा॥

 

अब यह कौन पानि मैं पीया । भा तन पाँख, पतँग मरि जीया॥

 

उठा फूलि हिरदय न समाना । कंथा टूक टूक बेहराना॥

 

जहाँ पिरीतम वै बसहिं, यह जिउ बलि तेहि बाट।

 

वह जो बोलावै पाँव सौं, हौं तहँ चलौं लिलाट॥21॥

 

जो पथ मिला महेसहि सेई । गएउ समुद ओहि धाँसि लेई॥

 

जहँ वह कुंड बिषम औगाहा । जाइ परा तहँ पाव न थाहा॥

 

बाउर अंधा पेम कर लागू । सौहँ धाँसा, किछु सूझ न आगू॥

 

लीन्हें सिधिा साँसा मन मारा । गुरु मछंदरनाथ सँभारा॥

 

चेला परे न छाँड़हि पाछू । चेला मच्छ, गुरु जस काछू॥

 

जस धाँसि लीन्ह समुद मरजीया । उधारै नैन बरै जस दीया॥

 

खोजि लीन्ह सो सरगदुआरा । बज्र जो मूँदे जाइ उघारा॥

 

बाँक चढ़ाव सरग गढ़, चढ़त गएउ होइ भोर।

 

भइ पुकार गढ़ ऊपर, चढ़े सेंधिा देइ चोर॥22॥

 

(1) परी हूल=कोलाहल हुआ। जस घर भरे…कीन्हा=जैसे भरे घर में चोरी करने का विचार चोर ने किया हो। लाग=लगे, भिड़ गए। खेला=विचरता हुआ आया। रजायसु=राजाज्ञा।

 

(2) खेलहिं=विचरें, जायँ। अस लागेहु=ऐसे काम में लगे। कोहु=क्रोधा।

 

(3) आएउँ लेई=लेने आया हूँ। भूजा=मेरे लिए भोग है। धाम लाइ=धारम लिये हुए, सत्य सत्य। भीख निहोरा=भीख के संबंधा में, अथवा इसी भीख को मैं माँगता हूँ। निरास=आशा या कामना से रहित।

 

(4) धारती परा…चाटा….धारती पर पड़ा हुआ कौन स्वर्ग या आकाश चाटता है? कहावत है?-‘रहै भुइँ औ चाटै बादर’। गोटा=गोला। रोटा=दबकर गूँधो आटे की बेली रोटी के समान। बाँदर काटु=बंदर काटे, मुहाविरा-अर्थात् जोगी का बुरा हो, जोगी चूल्हे में जाएँ।

 

(5) सत=सौ। सरि पहुँचाव=बराबर या ठिकाने पहुँचा देता है। दिस्टि चाहि…हाथू=दृष्टि पहुँचने के पहले ही योगी का हाथ पहुँच जाता है। यह दूतों के उस बात के उत्तार में है ‘जहँ केहु दिस्टि न जाइ पसारी। तहाँ पसारसि हाथ भिखारी॥’ चाहि=अपेक्षा; बनिस्बत। नए=नम्र हुए।

 

1. एक हस्तलिखित प्रति में इसके आगे ये चौपाइयाँ हैं-

 

राजा तोर हस्ति कर साईं । मोर जीव यह एक गोसाईं॥

 

करकर है जो पाँव तर बारू । तेहि उठाइ कै करै पहारू॥

 

राज करत तेहि भीख मँगावै । भीख माँग तेहि राज दियावै॥

 

मंदिर ढाहि उठाबै नए । गढ़ करि गरब खेह मिलिगए॥

 

(6) सँजोऊ=समान। पति=बड़ाई, प्रतिष्ठा। जोगी…खेले=योगी कहाँ रहते हैं बिना (और जगह) गए?

 

(7) चाहा=चाह, खबर। माझी=मधयस्थ। नाठा जाइ=नष्ट किया या मिटाया जाता है। मसि=स्याही। लिखनी=लेखनी, कलम। अकत्थ=अकथ्य बात।

 

(8) सेवा कहि=विनय कहकर। सँवार=संवाद, हाल। बलि जिउ रहा….जागा=जीव तो पहले ही बलि चढ़ गया था, (इसी से तुम्हारे आने पर) वह शरीर न जगा। ईस=महादेव। भाव=भाता है। आसामुखी=मुख का आसरा देखनेवाला।

 

(9) जान=जानता है। सावाँ=श्याम। छूँछि=खाली।

 

(10) नीर कंठ लहि… पियासा=कंठ तक पानी में रहता है फिर भी प्यासों मरता है। बसंदर=वैश्वानर, अग्नि। विरह=बिरह से। रूख=बिना तेल का।

 

(12) रतनारा=लाल। नैन रकत भरि आए=चकोर और पहाड़ी कोकिला की ऑंखें लाल होती हैं।

 

(13) दीन्ह पथ तहाँ=वहाँ का रास्ता बताया। मरन खेल…जहाँ=जहाँ प्राण निछावर करने का आगम है। उलटा पंथ=योगियों का अंतर्मुख मार्ग; विषयों की ओर स्वभावत: जाते हुए मन को उलटा पीछे की ओर फेरकर ले जाने वाला मार्ग।

 

(14) ताहि कै पाती=उसको उस चिट्ठी से। देखु कंठ जरि…गेरा=देख, कंठ जलने लगा (तब) उसे गिरा दिया। देहि पवारी=फेंक दे।

 

(15) काँचा=कच्चा। राँचा=रंग गया। औटि=पगकर।

 

(16) धानि=स्त्राी। कनक पानि=सोने का पानी। बिसँभार=बेसुधा। घाला=डाला, लगाया। मकु=कदाचित्। जागे भेंट…होई=जागने से भेंट होती है, सोने से नहीं।

 

(17) अपना=अपना नाश।

 

(18) निबाहै ऑंटा=निबाह सकता है। केत=केतकी। महुँ=महूँ, मैं भी। ओर निबाहु=प्रीति को अंत तकनिबाह।

 

(19) कूरा=ढेर। पिंगला=दक्षिण नाड़ी। सुखमन=सुषुम्ना, मधय नाड़ी। सूनि समाधिा=शून्य समाधिा।तारि=त्रााटक, टकटकी। गाढ़=कठिन अवस्था।

 

(20) केवा=केतकी। अगाहू भएउ=विदित हुआ। उदंत=(सं.) संवाद, वृत्ताांत। छाला=पत्रा। सामि=स्वामी।

 

(21) हनुवंत=हनुमान के ऐसा बली। झिझकार=झिड़के। सहुँ=सामने। बेहराना=फटा।

 

(22) धांसि लेई=धाँसकर लेने के लिए। लागू=लाग, लगन। परे=दूर। बाँक=टेढ़ा, चक्करदार। सरगदुआर=दूसरे अर्थ में दशम द्वार।

कृपया हमारे फेसबुक पेज से जुड़ने के लिए यहाँ क्लिक करें

कृपया हमारे यूट्यूब चैनल से जुड़ने के लिए यहाँ क्लिक करें

कृपया हमारे ट्विटर पेज से जुड़ने के लिए यहाँ क्लिक करें

कृपया हमारे ऐप (App) को इंस्टाल करने के लिए यहाँ क्लिक करें

डिस्क्लेमर (अस्वीकरण से संबन्धित आवश्यक सूचना)- विभिन्न स्रोतों व अनुभवों से प्राप्त यथासम्भव सही व उपयोगी जानकारियों के आधार पर लिखे गए विभिन्न लेखकों/एक्सपर्ट्स के निजी विचार ही “स्वयं बनें गोपाल” संस्थान की इस वेबसाइट/फेसबुक पेज/ट्विटर पेज/यूट्यूब चैनल आदि पर विभिन्न लेखों/कहानियों/कविताओं/पोस्ट्स/विडियोज़ आदि के तौर पर प्रकाशित हैं, लेकिन “स्वयं बनें गोपाल” संस्थान और इससे जुड़े हुए कोई भी लेखक/एक्सपर्ट, इस वेबसाइट/फेसबुक पेज/ट्विटर पेज/यूट्यूब चैनल आदि के द्वारा, और किसी भी अन्य माध्यम के द्वारा, दी गयी किसी भी तरह की जानकारी की सत्यता, प्रमाणिकता व उपयोगिता का किसी भी प्रकार से दावा, पुष्टि व समर्थन नहीं करतें हैं, इसलिए कृपया इन जानकारियों को किसी भी तरह से प्रयोग में लाने से पहले, प्रत्यक्ष रूप से मिलकर, उन सम्बन्धित जानकारियों के दूसरे एक्सपर्ट्स से भी परामर्श अवश्य ले लें, क्योंकि हर मानव की शारीरिक सरंचना व परिस्थितियां अलग - अलग हो सकतीं हैं ! अतः किसी को भी, “स्वयं बनें गोपाल” संस्थान की इस वेबसाइट/फेसबुक पेज/ट्विटर पेज/यूट्यूब चैनल आदि के द्वारा, और इससे जुड़े हुए किसी भी लेखक/एक्सपर्ट के द्वारा, और किसी भी अन्य माध्यम के द्वारा, प्राप्त हुई किसी भी प्रकार की जानकारी को प्रयोग में लाने से हुई, किसी भी तरह की हानि व समस्या के लिए “स्वयं बनें गोपाल” संस्थान और इससे जुड़े हुए कोई भी लेखक/एक्सपर्ट जिम्मेदार नहीं होंगे ! धन्यवाद !