कविता -रत्नसेन-देवपाल-युध्द खंड, राजा रत्नसेन बैकुंठवास खंड, पदमावती-नागमती-सती खंड, उपसंहार,- (संपादन – रामचंद्र शुक्ल )
सुनि देवपाल राय कर चालू । राजहि कठिन परा हिय सालू॥
दादुर कतहुँ कँवल कहँपेखा । गादुर मुख न सूर कर देखा॥
अपने रँग जस नाच मयूरू । तेहि सरि साधा करै तमचूरू॥
जौ लगि आइ तुरुक गढ़ बाजा । तौ लगि धारि आनौं तौ राजा॥
नींद न लीन्ह, रैनि सब जागा । होत बिहान जाइ गढ़ लागा॥
कुंभलनेर अगम गढ़ बाँका । बिषम पंथ चढ़ि जाइ न झाँका॥
राजहि तहाँ गयउ लेइ कालू । होइ सामुहँ रोपा देवपालू॥
दुवौ अनी सनमुख भइं, लोहा भयउ असूझ।
सत्राु जूझि तब नेवरै, एक दुवौ महँ जूझ॥1॥
जौ देवपाल राव रन गाजा । मोहि तोहि जूझ एकौझा, राजा!॥
मेलेसि साँग आइ बिष भरी । मेटि न जाइ काल कै घरी॥
आइ नाभि पर साँग बईठी । नाभि बेधिा निकसी सो पीठी॥
चला मारि, तब राजै मारा । टूट कंधा, धाड़ भयउ निनारा॥
सीस काटि कै बैरी बाँधाा । पावा दाँव बैर जस साधाा॥
जियत फिरा आयउ बल भरा । माँझ बाट होइ लोहै धारा॥
कारी घाव जाइ नहिं डोला । रही जीभ जम गही, को बोला?॥
सुधिा बुधिा तौ सब बिसरी, भार परा मझ बाट।
हस्ति घोर को काकर? घर आनी गइ खाट॥2॥
(1) पेखा=देखता है। गादुर=चमगादर। सूर=सूर्य। सरि=बराबरी। लोहा भयउ=युध्द हुआ। नेवरे=समाप्त हो, निबटे।
(2) एकौभा=अकेले, द्वंद्वयुध्द। चला मारि…मारा=वह भाला मारकर चला जाता था, तब राजा रत्नसेन ने फिरकर उस पर भी वार किया। बैरी=शत्राु देवपाल को। माँझ बाट…धारा=आधो रास्ते पहुँचकर हथियार छोड़ दिया। कारी=गहरा, भारी। भार परा मँझ बाट=बोझ की तरह राजा रत्नसेन बीच रास्ते में गिर पड़े।
———————————————————
तौ लहि साँस पेट महँअही । जौ लहि दसा जीउ कै रही॥
काल आउ देखराई साँटी । उठि जिउ चला छोड़ि कै माटी॥
काकर लोग,कुटुँब, घर बारू । काकर अरथ दरब संसारू॥
ओही घरी सब भयउपरावा । आपन सोइ जो परसा, खावा॥
अहे जे हितू साथ के नेगी । सबै लाग काढ़ै तेहि बेगी॥
हाथ झारि जस चलै जुवारी । तजा राज, होइ चला भिखारी॥
जब हुत जीउ, रतन सब कहा । भा बिनु जीउ, न कौड़ी लहा॥
गढ़ सौंपा बादल कहँ, गए टिकठि बसि देव।
छोड़ी राम अयोधया, जो भावै सो लेव॥1॥
(1) साँटी=छड़ी। आपन सोइ…खावा=अपना वही हुआ जो खाया और दूसरे को खिलाया। नेगी=पानेवाले। हुत=था। टिकठि=टिकठी, अरथी जिसपर मुरदा ले जाते हैं। देव=राजा। जो भावै सो लेव=जो चाहे सो ले।
————————————————————-
पदमावति पुनि पहिरि पटोरी । चली साथ पिउ के होइ जोरी॥
सूरुज छपा, रैनि होइ गई । पूनो ससि सो अमावस भई॥
छोरे केस, मोति लर छूटीं । जानहुँ रैनि नखत सब टूटीं॥
सेंदुर परा जो सीस उघारा । आगि लागि चह जग ऍंधिायारा॥
वही दिवस हौं चाहति नाहा । चलौं साथ, पिउ! देइ गलबाहाँ॥
सारस पंखि न जियै निनारे । हौं तुम्ह बिनु का जिऔं, पियारे॥
नेवछावरि कै तन छहरावौं । छार होउँ सँग, बहुरि न आवौं॥
दीपक प्रीति पतंग जेउँ, जनम निबाह करेउँ।
नेवछावरि चहुँ पास होइ, कंठ लागि जिउ देउँ॥1॥
नागमती पदमावति रानी । दुवौ महा सत सती बखानी॥
दुवौ सवति चढ़ि खाट बईठीं । औ सिवलोक परा तिन्ह दीठी॥
बैठौ कोइ राज ओ पाटा । अंत सबै बैठै पुनि खाटा॥
चंदन अगर काठ सर साजा । औ गति देइ चले लेइ राजा॥
बाजन बाजहिं होइ अगूता । दुवौ कंत लेइ चाहहिं सूता॥
एक जो बाजा भयउ बियाहू । अब दुसरे होइ ओर निबाहूँ॥
जियत जो जरै कंत के आसा । मुएँ रहसि बैठे एक पासा॥
आजु सूर दिन अथवा, आजु रैनि ससि बूड़।
आजु नाचि जिउ दीजिय, आजु आगि हम्ह जूड़॥2॥
सर रचि दानपुन्निबहु कीन्हा । सात बार फिरि भाँवरि लीन्हा॥
एक जो भाँवरि भईं बियाही । अब दुसरे होइ गोहन जाहीं॥
जियत, कंत! तुम हम्ह गर लाई । मुए कंठ नहिं छोड़हिं, साईं!॥
औ जो गाँठि, कंत! तुम्ह जोरी । आदि अंत लहि जाइ न छोरी॥
यह जग काह जो अछहि न आथी । हम तुम, नाह! दुहूँ जगसाथी॥
लेइ सर ऊपर खाट बिछाई । पौढ़ीं दुवौ कंत गर लाई॥
लागीं कंठ आगि देइ होरी । छार भईं जरि, अंग न मोरी॥
रातीं पिउ के नेह गइँ, सरग भयउ रतनार।
जो रे उवा, सो अथवा, रहा न कोइ संसार॥3॥
वै सहगवन भईं जब जाई । बादसाह गढ़ छेंका आई॥
तौलगि सो अवसर होइ बीता । भए अलोप राम औ सीता॥
आइ साह जौ सुना अखारा । होइगा राति दिवस उजियारा॥
छार उठाइ लीन्ह एक मूठी । दीन्ह उड़ाइ, पिरथिमी झूठी॥
सगरिउ कटक उठाई माटी । पुल बाँधाा जहँ जहँ गढ़ घाटी॥
जौ लहि ऊपर छार न परै । तौ लहि यह तिस्ना नहिं मरै॥
भा धाावा, भइ जूझ असूझा । बादल आइ पँवरि पर जूझा॥
जौहर भइँ सब इस्तिरी, पुरुष भए संग्राम।
बादसाह गढ़ चूरा, चितउर भा इसलाम॥4॥
(1) आगि लागि…ऍंधिायार=काले बालों के बीच लाल सिंदूर मानो यह सूचित करता था कि ऍंधोरे संसार में अब आग लगा चाहती है (पदमावती के सती होने का आभास मिलता है)। छहरावौं=छितराऊँ।
(2) महा सत=सत्य में। तिन्ह दीठि परा=उन्हें दिखाई पड़ा। बैठौ=चाहे बैठे। खाटा=अर्थी, टिकठी। अगूता होइ=आगे होकर। सूता चहहिं=सोना चाहती हैं। बाजा=बाजे से। ओर निबाहू=अंत का निर्वाह। रहसि=प्रसन्न होकर। बूड़=डूबा। हम्ह=हमें, हमारे लिए। जूड़=ठंढी।
(3) सर=चिता। गोहन=साथ। हम्ह गर लाइ=हमें गले लगाया। अंत लहि=अंत तक। अछहि=है। आथी=सार, पूँजी, अस्तित्व। अछहि न आथी=जो स्थिर या सारवान नहीं है। रतनार=लाल, प्रेममय या आभापूर्ण।
(4) सहगवन भईं=पति के साथ सहगमन किया; सती हुईं। तौ लगि…बीता=तब तक वहाँ सब कुछ हो चुका था। अखारा=अखाड़े या सभा में, दरबार में। गढ़ घाटी=गढ़ की खाई। पुल बाँधाा…घाटी=सती स्त्रिायों की एक एक मुट्ठी राख इतनी हो गई कि उससे जगह-जगह खाई पट गई और पुल सा बँधा गया। जौ लहि=जब तक। तिस्ना=तृष्णा। जौहर भइँ=राजपूत प्रथा के अनुसार जल मरीं। संग्राम भए=खेत रहे, लड़कर मरे। चितउर भा इसलाम=चित्ताौरगढ़ में भी मुसलमानी अमलदारी हो गई।
—————————————————————
मैं एहिअरथ पंडितन्ह बूझा । कहा कि हम्ह किछु और न सूझा॥
चौदह भुवन जो तर उपराहीं । ते सब मानुष के घट माहीं॥
तन चितउर, मन राजा कीन्हा । हिय सिंघल, बुधिा पदमावति चीन्हा॥
गुरु सुआ जेइ पंथ देखावा । बिनु गुरु जगत को निरगुन पावा॥
नागमती यह दुनिया धांधाा । बाँचा सोइ न एहि चित बंधाा॥
राघव दूत सोइ सैतानू । माया अलाउदीं सुलतानू॥
प्रेम कथा एहि भाँति बिचारहु । बूझि लेहु जौ बूझै पारहु॥
तुरकी, अरबी, हिंदुई, भाषा जेती आहिं।
जेहि महँ मारग प्रेम कर, सबै सराहैं ताहि॥1॥
मुहमद कबि यह जोरि सुनावा । सुना सो पीर प्रेम कर पावा॥
जोरी लाइ रकत कै लेई । गाढ़ि प्रीति नयनन्ह जल भेई॥
औ मैं जानि गीत अस कीन्हा । मकु यह रहै जगत महँ चीन्हा॥
कहाँसो रतनसेन अब राजा? । कहाँ सुआ अस बुधिा उपराजा?॥
कहाँ अलाउदीन सुलतानू? । कहँ राघव जेइ कीन्ह बखानू?॥
कहँ सुरूप पदमावति रानी? । कोइ न रहा, जग रही कहानी॥
धानि सोईजस कीरति जासू । फूल मरै, पै मरै न बासू॥
केइ न जगत जस बेंचा, केइ न लीन्ह जस मोल?।
जो यह पढ़ै कहानी, हम्ह सँवरै दुइ बोल॥2॥
मुहमद बिरिधा बैस जोभई । जोबन हुत, जो अवस्था गई॥
बल जो गयउ कै खीन सरीरू । दिस्टि गई नैनहिं देइ नीरू॥
दसन गए कै पचा कपोला । बैन गए अनरुच देइ बोला॥
बुधिा जो गई देइ हिय बौराई । गरब गयउ तरहुँत सिर नाई॥
सरवन गए ऊँच जौ सुना । स्याही गई सीस भा धाुना॥
भँवर गए केसहि देइ भूवा । जोबन गयउ जीति लेइ जूवा॥
जौ लहि जीवन जोबन साथा । पुनि सो मीचु पराए हाथा॥
बिरिधा जो सीस डोलावै, सीस धाुनै तेहि रीस।
बूढ़ी आऊ होहु तुम्ह, केइ यह दीन्ह असीस?॥3॥
(1) एहि=इसका। पंडितन्ह=पंडितों से। कहा…सूझा=उन्होंने कहा, हमें तो सिवा इसके और कुछ नहीं सूझता है कि। उपराहीं=ऊपर। निरगुन=ब्रह्म, ईश्वर। (2) जोरी लाइ…भेई=इस कविता को मैंने रक्त की लेई लगाकर जोड़ा है और गाढ़ी प्रीति को ऑंसुओं से भिगो-भिगोकर गीला किया है। चीन्हा=चिद्द, निशान। उपराजा=उत्पन्न किया। अस बुधिा उपराजा=जिसने राजा रत्नसेन के मन में ऐसी बुध्दि उत्पन्न की। केइ न जगत जस बेचा=किसने इस संसार में थोड़े के लिए अपना यश नहीं खोया? अर्थात् बहुत से लोग ऐसे हैं। हम्ह सँवरै=हमें याद करेगा। दुइ बोल=दो शब्दों में, दो बार।
(3) पचा=पिचका हुआ। अनरुच=अरुचिकर। बौराई=बावलापन, जैसे, करत फिरत बौराई।-तुलसी। तरहुत=नीचे की ओर। धाुना=धाुनी रूई। भूवा=काँस के फूल, घुवा। जौ लहि हाथा=कवि कहता है कि जब तक जिन्दगी रहे जवानी के साथ रहे, फिर जब दूसरे का आश्रित होना पड़े तब तो मरना ही अच्छा है। रीस=रिस या क्रोधा से। केइ…असीस=किसने व्यर्थ ऐसा आशीर्वाद दिया।
—————————
कृपया हमारे फेसबुक पेज से जुड़ने के लिए यहाँ क्लिक करें
कृपया हमारे यूट्यूब चैनल से जुड़ने के लिए यहाँ क्लिक करें
कृपया हमारे ट्विटर पेज से जुड़ने के लिए यहाँ क्लिक करें
कृपया हमारे ऐप (App) को इंस्टाल करने के लिए यहाँ क्लिक करें
डिस्क्लेमर (अस्वीकरण से संबन्धित आवश्यक सूचना)- विभिन्न स्रोतों व अनुभवों से प्राप्त यथासम्भव सही व उपयोगी जानकारियों के आधार पर लिखे गए विभिन्न लेखकों/एक्सपर्ट्स के निजी विचार ही “स्वयं बनें गोपाल” संस्थान की इस वेबसाइट/फेसबुक पेज/ट्विटर पेज/यूट्यूब चैनल आदि पर विभिन्न लेखों/कहानियों/कविताओं/पोस्ट्स/विडियोज़ आदि के तौर पर प्रकाशित हैं, लेकिन “स्वयं बनें गोपाल” संस्थान और इससे जुड़े हुए कोई भी लेखक/एक्सपर्ट, इस वेबसाइट/फेसबुक पेज/ट्विटर पेज/यूट्यूब चैनल आदि के द्वारा, और किसी भी अन्य माध्यम के द्वारा, दी गयी किसी भी तरह की जानकारी की सत्यता, प्रमाणिकता व उपयोगिता का किसी भी प्रकार से दावा, पुष्टि व समर्थन नहीं करतें हैं, इसलिए कृपया इन जानकारियों को किसी भी तरह से प्रयोग में लाने से पहले, प्रत्यक्ष रूप से मिलकर, उन सम्बन्धित जानकारियों के दूसरे एक्सपर्ट्स से भी परामर्श अवश्य ले लें, क्योंकि हर मानव की शारीरिक सरंचना व परिस्थितियां अलग - अलग हो सकतीं हैं ! अतः किसी को भी, “स्वयं बनें गोपाल” संस्थान की इस वेबसाइट/फेसबुक पेज/ट्विटर पेज/यूट्यूब चैनल आदि के द्वारा, और इससे जुड़े हुए किसी भी लेखक/एक्सपर्ट के द्वारा, और किसी भी अन्य माध्यम के द्वारा, प्राप्त हुई किसी भी प्रकार की जानकारी को प्रयोग में लाने से हुई, किसी भी तरह की हानि व समस्या के लिए “स्वयं बनें गोपाल” संस्थान और इससे जुड़े हुए कोई भी लेखक/एक्सपर्ट जिम्मेदार नहीं होंगे ! धन्यवाद !