कविता – प्रेम खंड – पदमावत – मलिक मुहम्मद जायसी – (संपादन – रामचंद्र शुक्ल )

सुनतहि राजा गा मुरछाई । जानौं लहरि सुरुज कै आई॥

प्रेम धााव दुख जान न कोई । जेहि लागै जानै ते सोई॥

 

परा सो पेम समुद्र अपारा । लहरहिं लहर होइ बिसँभारा॥

 

बिरह भौर होइ भाँवरि देई । खिन खिन जीउ हिलोरा लेई॥

 

खिनहिं उसास बूड़ि जिउ जाई । खिनहि उठे निसरै बौराई॥

 

खिनहिं पीत, खिन होइ मुख सेता । खिनहिं चेत खिन होइ अचेता॥

 

कठिन मरन तें प्रेम बेबस्था । ना जिउ जियै, न दसवँ अवस्था॥

 

जनु लेनिहार न लेहिं जिउ, हरहिं तरासहिं ताहि॥

 

एतनै बोल आब मुख, करैं ‘तराहि तराहि’॥1॥

 

जहँ लगि कुटुँब लोग औ नेगी । राजा राय आए सब बेगी॥

 

जावत गुनी गारुड़ी आए । ओझा, बैद, सयान बोलाए॥

 

चरचहिं चेष्टा परिखहिं नारी । नियर नाहिं ओपद तहँ बारी॥

 

राजहिं आहि लखन कै करा । सकति कान मोहा है परा॥

 

नहिं सो राम, हनिवँत बड़ि दूरी । को लेइ आव सजीवन मूरी॥

 

बिनय करहिं जे जे गढ़पती । का जिउ कीन्ह, कौन मति मती॥

 

कहहु सो पीर, काह पुनि खाँगा । समुद सुमेरु आव तुम्ह माँगा॥

 

धाावन तहाँ पठावहु, देहिं लाख दस रोक।

 

होइ सो बेलि जेहि बारी, आनहिं सबै बरोक॥2॥

 

जब भा चेत उठा बैरागा । बाउर जानौं सोइ उठि जागा॥

 

आवत जग बालक जस रोआ । उठा रोइ ‘हा ज्ञान सो खोआ’॥

 

हौं तो अहा अमरपुर जहाँ । इहाँ मरनपुर आएउँ कहाँ॥

 

केइ उपकार मरन कर कीन्हा । सकति हँकारि जीउ हरि लीन्हा॥

 

सोवत रहा जहाँ सुख साखा । कस न तहाँ सोवत बिधिा राखा॥

 

अब जिउ उहाँ, इहाँ तन सूना । कब लगि रहै परान बिहूना॥

 

जौ जिउ घटहि काल के हाथा । घट न नीक पै जीउ निसाथा॥

 

अहुठ हाथ तन सरवर, हिया कवँल तेहि माँह।

 

नैनहिं जानहु नीयरे, कर पहुँचत औगाहँ॥3॥

 

सबन्ह कहा मन समुझहु राजा । काल सेंति कै जूझ न छाजा॥

 

तासौं जूझ जात जो जीता । जानत कृष्ण तजा गोपीता॥

 

औ न नेह काहू सौं कीजै । नाँव मिटै, काहे जिउ दीजै॥

 

पहिले सुख नेहहिं जब जोरा । पुनि होइ कठिन निबाहत ओरा॥

 

अहुठ हाथ तन जैस सुमेरू । पहुँचि न जाइ परा तस फेरू॥

 

ज्ञान दिस्टि सौं जाइ पहूँचा । पेम अदिस्ट गगन तें ऊँचा॥

 

धाुव तें ऊँच पेम धाुव ऊआ । सिर देइ पाँव देइ सो छूआ॥

 

तुम राजा औ सुखिया, करहु राज सुख भोग॥

 

एहि रे पंथ सो पहुँचै, सहै जो दु:ख बियोग॥4॥

 

सुऐ कहा मन बूझहु राजा । करब पिरीत कठिन है काजा॥

 

तुम राजा जेईं घर पोई । कवँल न भेंटेउ भेंटेउ कोई॥

 

जानहिं भौंर जौ तेहि पथ लूटै । जीउ दीन्ह औ दिएहु न छूटे॥

 

कठिन आहि सिंघल कर राजू । पाइय नाहिं जूझ कर साजू॥

 

ओहि पथ जाइ जो होइ उदासी । जोगी, जती, तपा, संन्यासी॥

 

भोग किए जौं पावत भोगू । तजि सो भोग कोइ करत न जोगू॥

 

तुम राजा चाहहु सुख पावा । भोगहि जोग करत नहिं भावा॥

 

साधान्ह सिध्दि न पाइय, जौ लगि सधौ न तप्प।

 

सो पै जानै बापुरा, करै जो सीस कलप्प॥5॥

 

का भा जोग कथनि के कथे । निकसै घिउ न बिना दधिा मथे॥

 

जौ लहि आप हेराइ न कोई । तौ लहि हेरत पाव न सोई॥

 

पेम पहार कठिन विधिा गढ़ा । सो पै चढ़ै जो सिर सौं चढ़ा॥

 

पंथ सूरि कै उठा ऍंकूरू । चोर चढ़ै, की चढ़ मंसूरू॥

 

तू राजा का पहिरसि कंथा । तोरे घरहिं माँझ दस पंथा॥

 

काम, क्रोधा, तिस्ना, मद, माया । पाँचौ चोर न छाँड़हिं काया॥

 

नवौ सेंधा तिन्ह कै दिठियारा । घर मूसहिं, निसि की उजियारा॥

 

अबहू जागु अजाना, होत आव निसि भोर।

 

तब किछु हाथ न लागिहिं, मूसि जाहिं जब चोर॥6॥

 

सुनि सो बात राजा मन जागा । पलक न मार, पेम चित लागा॥

 

नैनन्ह ढरहिं मोति औ मूँगा । जस गुर खाइ रहा होइ गूँगा॥

 

हिय कै जोति दीप वह सूझा । यह जो दीप ऍंधिायारा बूझा॥

 

उलटि दीठि माया सौं रूठी । पलटि न फिरी जानि कै झूठी॥

 

जौ पैं नाहीं अहथिर दसा । जग उजार का कीजिय बसा॥

 

गुरू बिरह चिनगी जो मेला । जो सुलगाइ लेइ सो चेला॥

 

अब करि फनिग भृंग कै करा । भौंर होहुँ जेहि कारन जरा॥

 

फूल फूल फिरि पूछौं, जौ पहुँचौं ओहि केत।

 

तन नेवछावरि कै मिलौं, ज्यों मधाुकर जिउ देत॥7॥

 

बंधाु मीत बहुतै समझावा । मान न राजा कोउ भुलावा॥

 

उपजी पेम पीर जेहि आई । परबोधात होइ अधिाक सो आई॥

 

अमृत बात कहत विष जाना । पेम क बचन मीठ कै माना॥

 

जो ओहि विषै मारि कै खाई । पूँछहु तेहि सन पेम मिठाई॥

 

पूँछहु बात भरथरिहि जाई । अमृत राज तजा विष खाई॥

 

औ महेस बड़ सिध्द कहावा । उनहूँ विषय कँठ पै लावा॥

 

होत आव रवि किरिनविकासा । हनुवँत होइ को देइ सुआसा॥

 

तुम सब सिध्दि मनावहु, होइ, गनेस सिधिा लेव।

 

चेला को न चलावै, तुलै गुरू जेहि भेव॥8॥

 

(1) बिसँभारा=बेसँभाल, बेसुधा। दसवँ अवस्था=दशम दशा, मरण। लेनिहार=प्राण लेने वाले। हरहिं=धाीरे-धाीरे। तरासहिं=त्राास दिखाते हैं।

 

(2) गारुड़ी=साँप का विष मंत्रा से उतारने वाला। चरचहिं=भाँपते हैं। करा=लीला, दशा। खाँगा=घटा। रोक=रोकड़, रुपया (सं. रोक=नकद) पाठांतर=’थोक’। बरोक=बरच्छा, फलदान।

 

(3) बिहूना=विहीन, बिना। घट=शरीर। निसाथा=बिना साथ के। अहुठ=साढ़े तीन (सं. अर्ध्द-चतुर्थ; कल्पित रूप ‘अधयुष्ठ’, प्रा. अङ्ढुट्ठ); जैसे-कबहुँ तो अहुठ परग करी बसुधाा, कबहुँ देहरी उलंघि न जानी।-सूर। ‘सरवर’-पाठांतर ‘तरिवर’।

 

(4) काल सेंति=काल से (प्रा. वि. सुंतो)। अहुठ=दे. 3। धाुव=धाु्रव। सिर देह…छूआ। सिर काटकर उसपर पैर रखकर खड़ा हो; जैसे-‘सीस उतारै भुइँ धारै तापर राखै पाँव। दास कबीरा यों कहै ऐसा होय तो आव।’

 

(5) पोई=पकाई हुई। तुम-पोई=अब तक पकी पकाई खाई अर्थात् आराम चैन से रहे। साधान्ह=केवल साध या इच्छा से। कलप्प करै=काट डाले (सं. क्लुप्त)।

 

(6) सूरि=सूली। दिठियार=देख में, देखा हुआ। मूसि जाहिं=चुरा ले जाएँ (सं. भूषण)।

 

(7) अहथिर=स्थिर। उजार=उजाड़। बसा=बसे हुए। फनिग=फनगा, फतिंगा, पतंग। भृंग=कीड़ा, जिसके विषय में प्रसिध्द है कि और फतिंगों को अपने रूप का कर लेता है। करा=कला, व्यापार। केत=कैत, ओर, तरफ अथवा केतकी।

 

(8) अमृत=संसार का अच्छा से अच्छा पदार्थ। विषै=विष तथा अधयात्म पक्ष में विषय। होत आव…सुआसा=लक्ष्मण को शक्ति लगने पर जब यह कहा गया था कि सूर्य निकलने के पहले यदि संजीवनी बूटी आ जाएगी तो वे बचेंगे, तब राम को हनुमान जी ने ही आशा बँधााई थी। तुलै गुरू जेहि भेव=जिस भेद तक गुरु पहुँचता है, जिस तत्तव का साक्षात्कार गुरु करता है।

 

कृपया हमारे फेसबुक पेज से जुड़ने के लिए यहाँ क्लिक करें

कृपया हमारे यूट्यूब चैनल से जुड़ने के लिए यहाँ क्लिक करें

कृपया हमारे ट्विटर पेज से जुड़ने के लिए यहाँ क्लिक करें

कृपया हमारे ऐप (App) को इंस्टाल करने के लिए यहाँ क्लिक करें

डिस्क्लेमर (अस्वीकरण से संबन्धित आवश्यक सूचना)- विभिन्न स्रोतों व अनुभवों से प्राप्त यथासम्भव सही व उपयोगी जानकारियों के आधार पर लिखे गए विभिन्न लेखकों/एक्सपर्ट्स के निजी विचार ही “स्वयं बनें गोपाल” संस्थान की इस वेबसाइट/फेसबुक पेज/ट्विटर पेज/यूट्यूब चैनल आदि पर विभिन्न लेखों/कहानियों/कविताओं/पोस्ट्स/विडियोज़ आदि के तौर पर प्रकाशित हैं, लेकिन “स्वयं बनें गोपाल” संस्थान और इससे जुड़े हुए कोई भी लेखक/एक्सपर्ट, इस वेबसाइट/फेसबुक पेज/ट्विटर पेज/यूट्यूब चैनल आदि के द्वारा, और किसी भी अन्य माध्यम के द्वारा, दी गयी किसी भी तरह की जानकारी की सत्यता, प्रमाणिकता व उपयोगिता का किसी भी प्रकार से दावा, पुष्टि व समर्थन नहीं करतें हैं, इसलिए कृपया इन जानकारियों को किसी भी तरह से प्रयोग में लाने से पहले, प्रत्यक्ष रूप से मिलकर, उन सम्बन्धित जानकारियों के दूसरे एक्सपर्ट्स से भी परामर्श अवश्य ले लें, क्योंकि हर मानव की शारीरिक सरंचना व परिस्थितियां अलग - अलग हो सकतीं हैं ! अतः किसी को भी, “स्वयं बनें गोपाल” संस्थान की इस वेबसाइट/फेसबुक पेज/ट्विटर पेज/यूट्यूब चैनल आदि के द्वारा, और इससे जुड़े हुए किसी भी लेखक/एक्सपर्ट के द्वारा, और किसी भी अन्य माध्यम के द्वारा, प्राप्त हुई किसी भी प्रकार की जानकारी को प्रयोग में लाने से हुई, किसी भी तरह की हानि व समस्या के लिए “स्वयं बनें गोपाल” संस्थान और इससे जुड़े हुए कोई भी लेखक/एक्सपर्ट जिम्मेदार नहीं होंगे ! धन्यवाद !